“மறுக்கப்படும் அலட்சியம்” ஓர் வனமுறை..!

🚺🚺🚺🚺🚺🚺🚺🚺🚺🚺 *பெண்களுக்கு எதிரான*

வன்முறை ஒழிப்பு தினம்

படைப்பு கவிதை ரசிகன்
குமரேசன்

🚺🚺🚺🚺🚺🚺🚺🚺🚺🚺🚺

வன்முறை என்பது
ஒரு வகை..!
பெண்களின் மீதான
வன்முறை என்பது
பலவகை..!

பிறக்கும் போது
பெண் குழந்தை என்ற
ஏளனப் பேச்சு
ஒரு வன்முறை..!
முலைப்பாலுக்குப் பதிலாக
கள்ளிப்பால் ஊட்டுவது
ஒரு வன்முறை..!

சேலைத்தொட்டிலில்
போடாமல்
குப்பைத்தொட்டியில்
போடுவது
ஒரு வன்முறை..!
பெண் பிள்ளைத் தானே என்று
“அடிப்படை உரிமைகள்”
மறுக்கப்படும் அலட்சியம்
ஒரு வன்முறை..!

பருவமடையும்
முன்னரே பாலியல்
தொல்லைக்கு ஆளாவது
ஒரு வன்முறை..!
பூப்பெய்தவுடன்
அவள் சுதந்திரத்திற்குப்
போடப்படும் பூட்டு
ஒரு வன்முறை..!

திருமண சந்தையில்
“பேரம் பேசுவது”
ஒரு வன்முறை..!
பிடித்தவனோடு
திருமணம் செய்தால்
“ஓடுகாலி”என்பது
ஒரு வன்முறை..!

திருமணம் தள்ளிப்போனால்
“முதிர்கன்னி” என்று அழைப்பது
ஒரு வன்முறை..!
அப்படியே திருமணம்
செய்து கொண்டு போனால்
அவளின் நிறைய
ஆசைகள் எல்லாம்
அதிகாரத்தால்
“நிராசையாவது”
ஒரு வன்முறை..!

“மெய் தொட்டு”
சுகமாக்க வேண்டியக் கரம்
“சிகரெட்டால் சுட்டு”
புண்ணாக்குவது
ஒரு வன்முறை..!

கணவனின் கொடுமை
தாங்காமல்
பிறந்த வீட்டுக்கு வந்தால்
“வாழாவெட்டி” என்று
வசை பாடுவது
ஒரு வன்முறை..!
கணவன் எதிர் பாராமல்
இறந்து விட்டால்
“விதவை” என்று
தள்ளி வைப்பது
ஒரு வன்முறை..!

இன்னும்
எழுதிக் கொண்டே போனால்
எத்தனை ஏடு வேண்டுமோ?
நிறுத்தி விட்டேன்..!

பெண்கள்
நாட்டின் கண்கள் என்றோம்
இமையாகிப் பாதுகாக்க
மறந்து விட்டோம் ..!
“ஆறு”களுக்குப்
பெண் பெயர் வைத்தோம்
“மாசடைவதை”
தடுக்கத் தவறிவிட்டோம்..!

பூமிக்குப் “பெண் பெயர்
சூட்டினோம்”
அதன் “பொறுமையைச்”
சோதித்து விட்டோம்..!
பெண்ணை
“தெய்வங்கள்” ஆக்கினோம்
“கண்ணியத்துடன்”
நடந்துக்கொள்ள
மறந்து விட்டோம்..!

பேசும் மொழியை
“தாய் மொழி” என்று
அழைத்தோம்
அதற்கு “மதிப்பளிக்க”
மறந்து விட்டோம்..!
“பெண்பாவம்
பொல்லாத பாவம்” என்றோம்
அவர்களுக்குப்
பாவம் செய்வதையே
பழக்கமாக்கிக் கொண்டோம்..!!!

“மண்ணின்றி”
போனால் மட்டுமல்ல …
“பெண்ணின்றி” போனாலும்
மனித இனம் தழைக்காது…

மனித இனம்
ஒழிந்து போவதற்குள்
பெண்களுக்கு எதிரான வன்முறையை ஒழிப்போம்..!!
அவர்களுக்குத் தேவையான
பாதுகாப்பை அளிப்போம்..!!

உலக பெண்களுக்கு எதிரான வன்முறை
ஒழிப்பு தினத்தில் உறுதி ஏற்போம் ….!!!*கவிதை ரசிகன்*

🚺🚺🚺🚺🚺🚺🚺🚺🚺🚺🚺