கொழும்பு-குருநாகல் வீதியில் விபத்து: 9 பேருக்கு காயம்

கொழும்பு-குருநாகல் பிரதான வீதியில் இடம்பெற்ற விபத்தில் மூன்று பாடசாலை மாணவர்கள் உட்பட ஒன்பது பேர் காயமடைந்து வைத்தியசாலையில் அனுமதிக்கப்பட்டுள்ளனர்.

கொழும்பு – குருநாகல் பிரதான வீதியில் இன்று (10) இந்த விபத்து இடம்பெற்றுள்ளதாக பொலிஸார் தெரிவித்துள்ளனர்.

போக்குவரத்து சபைக்குச் சொந்தமான பஸ்ஸுடன், பாரம்தூக்கி மோதியதில் இந்த விபத்து ஏற்பட்டுள்ளது.

காயமடைந்தவர்கள் மீரிகம வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.