ஸ்கொட்லாந்தின் தோல்வி|இங்கிலாந்துக்கு அடுத்த சுற்றுக்கு வாய்ப்பு

ஸ்கொட்லாந்து அணி , அவுஸ்ரேலிய அணியிடம் தோற்று அடுத்த சுற்றுக்கான வாய்ப்பை இழக்க , இங்கிலாந்து அணி அடுத்த சுற்று  வாய்ப்பினை பெற்றுக்கொண்டுள்ளது.

நிறைவுவரை அபாரமாக சவாலுடன் பந்துவீசி ஆடிய  ஸ்கொட்லாந்து அணியை  இரண்டு பந்துகள் மீதமிருக்க  அவுஸ்ரேலிய அணி வெற்றிபெற்றது.

முன்னதாக துடுப்பெடுத்தாடிய ஸ்கொட்லாந்து அணி, மிகச்சிறப்பாகவே துடுப்பெடுத்தாடி, நிர்ணயிக்கப்பட்ட 20 ஓவர்களில் 5 விக்கெட்டுக்களை மாத்திரம் இழந்து , 180 ஓட்டங்களை எடுத்தது. மிகச்சிறப்பாக துடுப்பெடுத்தாடிய Brandon McMullen, வெறும் 34 பந்துகளில் 60 ஓட்டங்களை விளாசியிருந்தார்.

தொடர்ந்து களமிறங்கிய அவுஸ்ரேலிய அணி ஆரம்பத்தில் ஓரிரண்டு விக்கெட்டுக்களை இழந்திருந்தாலும், ஹெட் மற்றும் ஸ்ரொய்னிஸ் ஆகியோரின் சிறந்த அதிரடி துடுப்பாட்டத்தினால் இலக்கை 19.2 ஓவர்களில் தாண்டி வெற்றிபெற்றது.
இந்த போட்டியின் ஆட்டநாயகனாக 29 பந்துகளில் 59 ஓட்டங்களை விளாசிய, ஸ்ரொய்ன்ஸ் அறிவிக்கப்பட்டார்.

இதன்மூலமாக கடைசி ஓவர்களில் ஸ்கொட்லாந்து அணி அவுஸ்ரேலிய அணியிடம் 5 விக்கெட்டுக்களால் தோல்வியைத்தழுவி புள்ளிகளை இழந்தது.

இங்கிலாந்தும் ஸ்கொட்லாந்தும் சம புள்ளிகளைப் பெற்றிருந்தாலும், சராசரி புள்ளிகளில் இங்கிலாந்து அணி இரண்டாமிடத்திற்கு முன்னேறி அடுத்த சுற்றுக்கான வாய்ப்பை பெற்றுள்ளது என்பது குறிப்பிடத்தக்கது