பிரபல பாடகர் இராஜ் வீரரத்ன குற்றப் புலனாய்வுத் திணைக்களத்தில் வாக்குமூலம்
குற்றப் புலனாய்வுத் திணைக்களத்தின் அழைப்பை தொடர்ந்து, பிரபல சிங்கள பாடகர் இராஜ் வீரரத்ன சைபர் குற்றப் பிரிவில் முன்னிலையாகியுள்ளார்.
குறித்த பாடகர் தனது யூடியூப் சேனலில் சுதத்த திலகசிறி தொடர்பாக வெளியிட்ட தகவல் காரணமாக வாக்குமூலம் வழங்க அழைக்கப்பட்டதாக அவர் தெரிவித்தார்.
அதே நேரத்தில், தலதா மாளிகைக்கு பணம் வழங்குமாறு மோசடியான முறையில் விடுக்கப்பட்ட கோரிக்கையை மக்களுக்கு விழிப்புணர்வு செய்யும் நோக்கில் தான் தனது கருத்துக்களை வெளியிட்டதாக இராஜ் மேலும் தெரிவித்தார். மேலும், குறித்த காணொளி உலகம் முழுவதும் பெரும்பாலான இலங்கையர்களால் பார்வையிடப்பட்டதாகவும் அவர் குறிப்பிட்டிருந்தார் என்பது குறிப்பிடத்தக்கது.
