22 முன்னாள் அமைச்சர்கள் மற்றும் பாராளுமன்ற உறுப்பினர்கள் மீது CID யின் நிதி மோசடி விசாரணை பிரிவு விசாரணைகளைத் தொடங்கியது.

புலனாய்வுத் துறையின் நிதி மற்றும் வணிக குற்ற விசாரணைப் பிரிவு (CID), 2008 முதல் 2024 வரை ஜனாதிபதி நிதியத்திலிருந்து நிதி தவறாகப் பயன்படுத்தப்பட்டதாகக் கூறப்படும் 22 முன்னாள் அமைச்சர்கள் மற்றும் பாராளுமன்ற உறுப்பினர்கள் மீது விசாரணைகளைத் தொடங்கியுள்ளது.
புலனாய்வு அதிகாரிகள், ஜனாதிபதி நிதியத்திலிருந்து நிதி விநியோகம் தொடர்பான 22 கோப்புகளை விசாரணையின் ஒரு பகுதியாகப் பெற்றுள்ளதாக பொலிஸார் தெரிவித்தனர்.
முதல்கட்ட விசாரணைகளில், குறித்த நபர்கள் பல்வேறு தொகைகளில் 1 பில்லியன் ரூபாவுக்கும் அதிகமான நிதியைப் பெற்றுள்ளதாகத் தெரியவந்துள்ளது.
இந்த நிதியைப் பெறுவதில் ஏதேனும் முறைகேடுகள் நடந்துள்ளதா என்பதைத் தீர்மானிக்கும் வகையில் தற்போது விசாரணைகள் நடைபெற்று வருகின்றன.
அதன்படி, நேற்று (ஏப்ரல் 2) கொழும்பு கோட்டை நீதவான் நீதிமன்றத்தில், ஜனாதிபதி நிதியக் கணக்கிலிருந்து வழங்கப்பட்ட காசோலைகளின் விவரங்களைப் பெறுவதற்கான உத்தரவை CID அதிகாரிகள் கோரியுள்ளனர். இந்த விசாரணை தொடர்ந்து நடைபெற்று வருகிறது.