முடித்தே தீருவோம்

தலைப்பு : முடித்தே தீருவோம்


முடியாது நடக்காதென்பது
முட்டாள்களின் வாதம் //

முயன்றால் முடியுமென்பதே
போராளிகளின் வேதம் //

தோல்விகள் உனை துரத்த
துவண்டுவிடாதே  //

வரும் தடைகளை தகர்த்தெறிந்து
முன்னேறிச்செல் //

வெற்று விமர்சனங்களை  விடுத்து
விரைந்திடு //

இலக்கை நோக்கிய
வெற்றிப்படிகளை  செதுக்கிடு //

வலிகள் உணர்த்திடும்
வாழ்வின்  அர்த்தங்களை  //

மனிதர்கள் உணர்வதில்லை
தியாகத்தின் புனிதங்களை  //

பெரும்பணம் படைத்தோரின்
வெற்றுக்காகித மோகம் //

இல்லாமையே ஏழைகளின்
நிரந்தர சாபம் //

கைத்தூக்கி விடுவோரை
இங்கே காண்பதரிது //

காலை வாரிவிடும்
கானல்நீர் தோற்றங்கள் //

மனிதஉருவில் வாழும்
நடமாடும் பிணங்கள் //

இவ்வுலகின்  உன்னதத்தை
உருக்குலைக்கும் சக்திகள் //

இவையனைத்தையும்
தகர்த்து தன்னம்பிக்கையை தரித்து //

எடுத்த  இலக்கினை
முடித்தே தீருவோம்  //

மதிப்புறு முனைவர். நா. பாரதி ( கள்ளக்குறிச்சி )