தமிழ் கட்சிகள் சார்பில் 7 பேர் நரேந்திர மோடியைச் சந்திக்க அனுமதி

இந்திய பிரதமர் நரேந்திர மோடியை சந்திக்க, தமிழ் கட்சிகளின் சார்பில் 7 பிரதிநிதிகளுக்கு அனுமதி வழங்கப்பட்டுள்ளதாக அறிவிக்கப்பட்டுள்ளது.

இந்திய பிரதமர் நரேந்திர மோடி, எதிர்வரும் 4ஆம் தேதி மாலை கொழும்பு சென்று, 6ஆம் தேதி காலை திரும்பவுள்ளார். இந்தச் சந்திப்பு, தமிழர் தரப்புக்கும் இந்திய அரசுக்கும் முக்கியத்துவம் வாய்ந்ததாக இருக்கும். குறித்த சந்திப்பானது வரும் ஏப்ரல் மாதம் 5ம் திகதி இடம்பெறவுள்ளதாகவும் அறிவிக்கப்பட்டுள்ளது.

இதன்படி, இலங்கைத் தமிழரசுக் கட்சியிலிருந்து 4 பேர், அகில இலங்கைத் தமிழ்க் காங்கிரஸில் இருந்து 1 பேர், ஜனநாயகத் தமிழ்த் தேசியக் கூட்டணியில் இருந்து 1 பேர், மற்றும் பங்காளிக் கட்சியிலிருந்து 1 பேர் கலந்து கொள்கின்றனர்.

அதன்படி இலங்கைத் தமிழரசுக் கட்சியின் சார்பில் சிவஞானம், சுமந்திரன், சிறிதரன், இராசமாணிக்கம் சாணக்கியன், அகில இலங்கைத் தமிழ்க் காங்கிரஸின் சார்பில் கஜேந்திரகுமார் பொன்னம்பலம், ஜனநாயகத் தமிழ்த் தேசியக் கூட்டணியின் சார்பில் செல்வம் அடைக்கலநாதன், மற்றும் பங்காளிக் கட்சித் தலைவர் ஆகியோர் பிரதமர் மோடியைச் சந்திக்க உள்ளனர் எனக்குறிப்பிடப்படுகிறது