மாமனிதர் அமரர் சிவசிதம்பரம் அவர்களின் நூற்றாண்டு விழா கரவெட்டியில் நாளை

முன்னாள் பாராளுமன்ற உறுப்பினரும் தமிழர் விடுதலைக் கூட்டணி முன்னாள் தலைவருமான அமரர் மு.சிவசிதம்பரம் அவர்களின் பிறந்த நூற்றாண்டு விழா வடமராட்சி, கரவெட்டியில் மிக பிரமாண்டமாக ஏற்பாடு செய்யப்பட்டுள்ளது.

மாட்டு வண்டி சவாரி , மரதன் ஓட்டம் போன்ற போட்டி நிகழ்ச்சிகளை அவர் நினைவாக ஏற்பாடு செய்யப்பட்டு அதனைத் தொடர்ந்து கரவெட்டி மண் அவரின் பிறந்தநாளைக் கொண்டாட விழாக்கோலம் காண்கிறது.

குறித்த நிகழ்ச்சிக்கு பிரதம விருந்தினராக பாராளுமன்ற உறுப்பினரும் ஸ்ரீலங்கா முஸ்லிம் காங்கிரஸ் கட்சியின் தலைவருமான ரவூப் ஹக்கீம் அவர்கள் கலந்து கொள்கிறார்.

நிகழ்ச்சிக்கு தலைமை தாங்க பல்கலைக்கழக பேராசிரியர் கு.மிகுந்தன் அவர்களும் , சிறப்புரையாற்றுவதற்காக பேராசிரியர் வி.ரி.தமிழ்மாறன், பேராசிரியர் சிவலிங்கராஜா,முன்னாள் பிரதம ஆசிரியர் வீ.தனபாலசிங்கம், மற்றும் அமரர் சிவசிதம்பரம் அவர்களுடைய மகள் திருமதி நிராஞ்சலி தேவராஜ் ஆகியோரும் அழைக்கப்பட்டிருக்கிறார்கள்.

நிகழ்ச்சியில் அமரர் சிவசிதம்பரம் அவர்களுடைய அரசியல் வாழ்வு தொடர்பான ஆவண வெளியீடும் இடம்பெற ஏற்பாடாகியுள்ளது.

அத்தோடு சிறப்பான கலைநிகழ்ச்சிகளும் இடம்பெறும் என அறிக்கப்பட்டிருக்கிறது.

நாளை 20/07/2023 மாலை 3 மணிக்கு கரவெட்டி மகேசன் விளையாட்டு மைதானம் விழாக்காலம் காண மிகச்சிறப்பான தயார்ப்படுத்தல்களுடன் தயாராகிக் கொண்டிருக்கின்றது என்பது குறிப்பிடத்தக்கது.