இன்று நள்ளிரவு முதல் அமுலுக்கு வரும் வகையில் லிட்ரோ எரிவாயுவின் விலை அதிகரிப்பு..!

இன்று நள்ளிரவு முதல் அமுலுக்கு வரும் வகையில் லிட்ரோ எரிவாயுவின் விலை அதிகரிக்கப்பட்டுள்ளதாக அதன் தலைவர் முதித்த பீரிஸ் தெரிவித்துள்ளார்.

இதன் படி 12.5 கிலோ 343 ரூபாவால் அதிகரிக்கப்பட்டுள்ளது.இதன் பிரகாரம் புதிய விலை 3,470 ரூபா ஆகவும்,5 கிலோ 137 ரூபாவால் அதிகரித்து, புதிய விலை 1,393 ரூபாவாகவும்,2.3 கிலோ 63 ரூபாவால் அதிகரித்து புதிய விலை 650 ரூபாவாகவும் விற்பனை செய்ய நடவடிக்கை எடுக்கப்பட்டுள்ளது.

இறுதியாக கடந்த மாதம் 4ஆம் திகதி லிட்ரோ சமையல் எரிவாயுவின் விலை திருத்தப்படிருந்தமை குறிப்பிடத்தக்கது.

இதற்கமைய 12.5 கிலோகிராம் நிறையுடைய சமையல் எரிவாயுவின் விலை 145 ரூபாவினால் அதிகரிக்கப்பட்டு மூவாயிரத்து 127 ரூபாவுக்கு விற்பனை செய்யப்பட்டதுடன்,5 கிலோகிராம் நிறையுடைய சமையல் எரிவாயுவின் விலை 58 ரூபாவினால் அதிகரிக்கப்பட்டு, ஆயிரத்து 256 ரூபாவுக்கு விற்பனை செய்யப்பட்டது.

அதேநேரம் 2.3 கிலோகிராம் நிறையுடைய லிட்ரோ சமையல் எரிவாயுவின் விலை 26 ரூபாவால் அதிகரிக்கப்பட்டு 587 ரூபாவாக விற்பனை செய்யப்பட்டமை குறிப்பிடத்தக்கது.

இதே வேளை தற்போது மின்சார கட்டணம்,நீர் கட்டணம் என்பன அதிகரித்துள்ள நிலையில் மீண்டும் எரிவாயுவின் விலை அதிகரித்துள்ளமையானது மக்களை மேலும் கஷ்டத்திற்கு உள்ளாக்கியுள்ளது.