அமெரிக்காவின் 47 வது ஜனாதிபதியாக டொனால்ட் ட்ரம்ப் தெரிவு..!

அமெரிக்காவின் 47 வது ஜனாதிபதியாக டொனால்ட் ட்ரம்ப் தெரிவு செய்யப்பட்டுள்ளார்.இதனை தொடர்ந்து புளோரிடாவில் நடைப்பெற்ற கூட்டத்தில் ட்ரம்ப்  உரையாற்றியிருந்தார்.

இதன்போது குறிப்பிட்ட ட்ரம்ப்,  “அமெரிக்காவில் புதிய வரலாறு படைக்கப்பட்டுள்ளது.குடியரசு கட்சி வெற்றிக்காக வாக்களித்த ஒவ்வொருவருக்கும் நன்றி.வெற்றிக்கு உறுதுணையாக நின்ற என் மனைவிக்கு நன்றி ,இக்கட்டான சூழலில் எனக்கு துணையாக இருந்த குடும்பத்தினருக்கு நன்றி ,இந்த முறை என்னுடைய ஆட்சி அமெரிக்காவின் பொற்காலமாக அமையப்போகிறது.47 வது ஜனாதிபதியாக தேர்ந்தெடுத்த அமெரிக்க மக்களுக்கு நன்றி. எனத் தெரிவித்தார்.

மேலும் , “இதுவரை யாரும் காணாத வகையில் ஒரு இயக்கத்தை நடத்தி வெற்றி வாகை சூடியுள்ளோம்.அமெரிக்காவை மீண்டும் மகத்தான நாடாக மாற்றுவேன்.அமெரிக்க மக்கள் மகிழ்ச்சி மற்றும் பெருமை படும்வகையில் ஆட்சி நடத்துவேன்.அமெரிக்காவில்ஏற்பட்டிள்ள அனைத்து பிரச்சினைகளுக்கும் உரிய தீர்வு காணப்படும்.முன்னெப்போதும் இல்லாத வகையில் வெற்றி கிடைத்துள்ளது.என் மீது நம்பிக்கை அளித்து வாக்களித்த மக்களின் நம்பிக்கை வீண்போகாது.அமெரிக்க மக்களுக்காக கடுமையாக உழைப்பேன்.பிரச்சினைகளை தீர்ப்பேன்.அமெரிக்க மக்கள் மகிழ்ச்சி மற்றும் பெருமைபடும் வகையில் ஆட்சி நடத்துவேன்.”என்றும்  தெரிவித்தார்.

நேற்றைய தினம் அமெரிக்காவின்  ஜனாதிபதி தேர்தல் நடைபெற்றிருந்தது. இதில் ஜனனாயக கட்சி சார்பாக கமலா ஹாரிஸ் ,குடியரசு கட்சி சார்பாக டொனால்ட் ட்ரம்ப்  ஆகியோர் போட்டியிட்டிருந்தமை குறிப்பிடத்தக்கது.