குளவி தாக்கியதில் மாணவர்கள் பாதிப்பு..!

மட்டக்களப்பு வவுணதீவு பகுதியில் பாடசாலை மாணவர்கள் மீது குளவிகள் தாக்கியதில் 8 மாணவர்கள் பாதிக்கப்பட்ட நிலையில் தாண்டியடி,வைத்தியசாலையில் அனுமதிக்கப்பட்ட சம்பவம் இன்றைய தினம் பதிவாகியுள்ளது.

இச்சம்பவமானது இன்று காலை 7 மணியளில் இடம்பெற்றுள்ளதாக பொலிசார் தெரிவித்துள்ளனர்.

வவுணதீவு கன்னங்குடா மகாவித்தியாலயத்தில் கல்விகற்றுவரும் மாணவர்கள் சம்பவதினமான இன்று காலை 7.00 மணியவில் வீதியால் நடந்து சென்ற நிலையில் குறிஞ்சாமுனை பகுதியில் வீதிக்கு அருகிலுள்ள பனைமரத்தில் கூடுகட்டியுள்ள குளவிகள் மாணவர்கள் மீது தாக்கியதையடுத்து 8 மாணவர்கள் பாதிக்கப்பட்ட நிலையில் அருகிலுள்ள தாண்டியடிபிரதேச வைத்தியசாலையில் அனுமதிக்கப்பட்டு சிகிச்சை பெற்றுவருகின்றனர்.

மேலும் குளவி கூடுகளை அகற்று நடவடிக்கை மேற்கொள்ளப்படவுள்ளதாக பொலிசார் தெரிவித்துள்ளனர்.