கடற்கண்ணாடி..!

கண்ணாடி

கடல் கண்ணாடியில் அவசர அவசரமாக முகம் பார்க்கும் மேககூட்டம்

நீர்திவளை கண்ணாடியில் ஆற அமர அழகு பார்க்கும் வெட்டுக்கிளி

நீலவானமெனும் கண்ணாடியில் சிறகை விரிக்கும் குட்டிபறவை

ஆகாச கண்ணாடியை அளவெடுக்கும் கருடன்

தொலைநோக்கு கண்ணாடியில் உலகை கடக்க ஆராய்ச்சி

ஆசானின் கண்காணிப்பு கண்ணாடியில் எதிர்காலத்தை வளைக்கும் மாணாக்கர்

தாயின்கருவிழியில் மாதுளை இதழை விரித்து பார்க்கும் மழலை

தினவெடுத்தமார்பில் மனகண்ணாடியை ரசிக்கும் மனைவி

சேலை கண்ணாடியில் முகம் புதைக்கும் காதலோடு கணவன்

இரவின் கண்ணாடியில் நிலவு மகளின் அலங்காரம்

குமுதா அழகிரி திருச்சி