வானில் ஊர்வலம்

ஜெட் விமானத்தின்
புகை பாதையாக
வெண் மேகங்கள்
ஊர்வலம் செல்கிறது !

தோகை விரித்து ஆடி வருகிறது வெண்மயில்!

அழகாக நடை பயின்று வரும் அன்னம்!

சிறகுகளை விரித்து
அணி வகுத்து வருகிறது பறவைக்கூட்டங்கள்!

வெட்டுக்கிளி
கூட்டங்கள்
வண்ணத்துப்பூச்சிகள்
உடன் போட்டி
போட்ட வண்ணம்!

உங்களுடன் நானும் வருகிறேன் என்று
ஊர்ந்து வருகிறது நத்தை!

என் வேகத்திற்கு உங்களால் ஈடு கொடுக்க முடியுமா என்று கேட்டு
ஓடி வருகிறது
வெண் குதிரை!

உங்களுக்கு நாங்கள்
இளைத்தவர்கள் இல்லை என்று வேகமாக
ஓடி வருகின்றன
மீன் கூட்டங்கள்
வெண் சுறா தலைமையில்!

வானில் இன்று
கொண்டாட்டம்
வாருங்கள்
கொண்டாடுவோம்
நாமும்!

எழுதுவது :விஜயலட்சுமி