செல்வச்சந்நிதி கொடியேறுகிறது

வரலாற்றுப்பிரசித்தி பெற்ற தொண்டமனாறு செல்வச்சந்நிதி முருகன் ஆலய வருடாந்த திருவிழா 27/08/2022 சனிக்கிழமை ஆரம்பமாகிறது.

பிற்பகல் 2 30 மணிக்கு கொடியேற்றம் இடம்பெறவுள்ளதாக அறிவிக்கப்பட்டுள்ள அதேவேளை வரும் செப்டெம்பர் 10 ம் திகதி மாலை மௌனத்திருவிழாவுடன் நிறைவுக்கு வரும் என குறிப்பிடப்பட்டுள்ளது.

அத்துடன் சப்பறத்திருவிழா செப்டெம்பர் 8ம் திகதியும் தேர்த்திருவிழா செப்டெம்பர் 9ம் திகதியும் தீர்த்தத்திருவிழா செப்டெம்பர் 10 ம் திகதியன்றும் இடம்பெறும்.

கொவிட் பெருந்தொற்று காலங்களில் திருவிழாக்கள் பெருங் கட்டுபாடுகளுடன் கடந்த வருடங்களில் இடம்பெற்றதனால் மக்கள் வருகை மிகப்பெருமளவில் குறைவடைந்திருந்தது. இந்தவருடம் பக்தர்கள் வருகை அதிகூடியளவு இருக்கும் என எதிர்பார்க்கப்படுகின்றமை குறிப்பிடத்தக்கது.