இவர் செய்யும் சாதனைகள் எத்தனை தெரியுமா?

அப்பா

எத்தனை
சொந்தங்கள் வந்தாலும்
அது அத்தனையும்
அப்பா போல வருமா ?

எத்தனை
சுமைகள் வந்தாலும்
அதை அப்பாவைப் போல
தாங்கிட முடியுமா?

கோபத்திற்குள் இருக்கும்
அப்பாவின் பாசம்
உனக்குத் தான் புரியுமா?

தன் வயிறைச் சுருக்கி
உன் உயிரை வளர்த்த
அப்பாவை
உனக்குத் தான் தெரியுமா?

உன் ஆசைகளுக்காக
தன் ஆசையை
அப்பா மறந்ததை
உன் மனசு உணருமா?

எல்லைச்சாமியாய்
உன்னை
அப்பா காத்திருந்ததை
உன் நெஞ்சம் அறியுமா?

தன்னை வருத்தி
உன்னை உயர்த்தி
வாழ்ந்த அப்பாவை
உனக்குப் புரியுமா ?

நீ சாதனை படைக்க
வேதனைகளைத் தாங்கிய அப்பாவை
உனக்குத் தெரியுமா?

அப்பப்பா
எத்தனை எத்தனை
சோதனையப்பா

அப்பப்பா
எத்தனை எத்தனை
வேதனையப்பா

அப்பப்பா
அத்தனையையும்
தாங்கியது நீயப்பா

அப்பப்பா
நீ செய்தது தான்
எத்தனை எத்தனை
சாதனையப்பா

🎪🎪