இனிய வாழ்க்கை சிறக்க
கோடி கோடியாய் !
கொட்டும் அருவியாய் !
வீசியடிக்கும் காற்றாய் !
விடாது ஆர்ப்பரிக்கும் அலையாய் !
உள்ளுக்குள் ஊற்றெடுக்கும்
எதிர்காலக் கனவுகள்
எதிர்பார்த்தபடி இல்லாமல்
ஏமாற்றத்துடன் வாழும்
ஏழ்மையான மக்களுக்கு
ஏக்கமே வாழ்க்கையாய் !
துக்கமே துணையாய் !
பெருமூச்சே
பேரின்பமாய் !
குறைகளே குழந்தைகளாய் !
பரிதாபங்களே பதவியாய் !
விதியே விசித்திர விளையாட்டாய் !
விம்முகின்ற இதயத்தோடு !
வாழும் வாழ்க்கையைச் சிறப்பாக்க !
வழிதேடி அழையும்
வள்ளல்களின்
வழித்தோன்றல்களாகிய !
இளைய தலைமுறையே !
இனியொரு விதி செய்யுங்கள் !
இனிய வாழ்க்கை சிறக்க !
எழுதுவது
சா.தனலட்சுமி கோவிந்தராசு
