இங்கிலாந்தில் மன்னார் விளையாட்டுத் திருவிழா| உதைபந்தாட்ட போட்டிகளும் கொண்டாட்டமும்

மன்னார் நலன்புரிச்சங்கம் ஐக்கிய இராச்சியம் பெருமையுடன் வழங்கும் மன்னார் விளையாட்டுத்திருவிழா (Mannar sports Festival) மேமாதம் 12 ம் திகதி ஞாயிற்றுக்கிழமை இடம்பெறவுள்ளது.

காலையிலிருந்து மாலை வரை முழுநாள் நேரமாக, நூற்றுக்கணக்கான அணிகள் வெவ்வேறு பிரிவுகளில், முக்கியமாக  உதைபந்தாட்டத்தில்  களமாடும் போட்டியாக இது அமையவுள்ளது.

வெற்றி பெறும் அணிகளுக்கு வெற்றிக்கிண்ணங்களோடு பணப்பரிசுகளையும் வழங்கவுள்ளதாக ஏற்பாட்டுக்குழு அறிவித்துள்ளது.
குழந்தைகளுக்கான விளையாட்டுக்கள், பெண்களுக்கான வலைப்பந்தாட்டம், கரப்பந்தாட்டம், மென்பந்து துடுப்பெடுத்தாட்டம் என  அனைத்து பிரிவினரையும்  பங்குபெற வைக்கும் உத்தியோடு இது ஏற்பாடு செய்யப்பட்டுள்ளது.

முழு நேரக்கொண்டாட்டமாக இடம்பெறும் இந்த நிகழ்ச்சியில் ,  உணவுப்பண்டங்கள், கடைகள் என மக்களை கவரும் அனைத்து அம்சங்களும் உள்ளடக்கப்பட்டிருக்கும் எனவும் அறிவிக்கப்பட்டுள்ளது