ரிபப்ளிகன் கட்சி டிரம்ப் ஊதுகுழலான மஜொரி டெய்லர் கிரீன் டுவிட்டர் நிரந்தரமாக மூடப்பட்டது.

பல அமெரிக்கச் செய்தித்தளங்களில் வரும் விபரங்களின்படி ரிபப்ளிகன் கட்சி அரசியல்வாதியான மஜொரி டெய்லர் கிரீனின் தனிப்பட்ட டுவிட்டர் கணக்கு மூடப்பட்டுவிட்டது. பெருமளவு சந்தாதாரர்களற்ற அவரது உத்தியோகபூர்வமான கணக்கு தொடர்ந்தும் பாவனையிலிருக்கிறது. தனிப்பட்ட அவரது டுவிட்டரில் அவர் பல தடவைகள் கொவிட் 19 பற்றிய தவறான செய்திகளைப் பரப்பிவந்ததுக்காகவே இந்த நடவடிக்கை எடுக்கப்பட்டிருக்கிறது.

கற்பனையான ஆபத்தான கதைகளைக் கட்டிவிட்டு மக்களை மிரட்டும் கானொன் இயக்கத்தின் ஆதரவாளர் கிரீன் ஆகும். அமெரிக்காவில் நடந்த பல பாடசாலைக் கொலைகள் இரகசியமான இயக்கமொன்றால் திட்டமிடப்பட்டவை, கலிபோர்னியாவில் ஏற்படும் காட்டுத்தீக்களை சியோனிஸ்டுளை உண்டாக்கி வருகிறார்கள், போன்ற கூற்றுக்களை வெளியிட்டு வரும் கிரீன் இதற்கு முன்னரும் சமூகவலைத்தளத்தினால் முடக்கப்பட்டவராகும். ஆனால், அது அளவுக்கு அதிகமான தடவைகள் என்பதால் இனி அவரது டுவிட்டர் நிரந்தரமாகவே செயற்படாது.

சாள்ஸ் ஜெ. போமன்