ஒருமுறையாவது பார்க்க வேண்டிய இடம்|தமிழகம் பட்டியலில் இடம்பிடித்தது

உலகில் ஒருமுறையாவது பார்க்க வேண்டிய இடமாக தமிழகத்தை நியுயோர்க் ரைம்ஸ் பத்திரிகை இணைத்துள்ளது.

இந்த ஆண்டு ஒருமுறையாவது உலகில் பார்க்க வேண்டிய இடங்களின் பட்டியலை நிரல் படுத்தியது நியூயோர்க் ரைம்ஸ் பத்திரிகை.

அந்தப்பட்டியலில் மொத்தாமாக 52 இடங்களின் பெயர்கள் இடம்பிடித்திருக்க அதில் 24 ம் இடத்தில் தமிழகத்தை இணைக்கப்பட்டுள்ளது.

அதற்கு முக்கிய காரணமாக அங்குள்ள கலாசார பண்பாட்டு கட்டமைப்புகளை சுட்டிக்காட்டியிருக்கிறது.

தமிழகத்தில் உள்ள ஆலயங்கள் மிகப் பழைமை வாய்ந்தததாகவும், கட்டடக்கலைக்கு மிக எடுத்துக் காட்டாகவும் விளங்குகிறது என்பதையும் குறித்த பதிவில் எழுதப்பட்டிருக்கிறது. உதாரணமாக மதுரை மீனாட்சியம்மன் கோவில், தஞ்சை பிரகதீஸ்வரர் கோவில், செட்டிநாடு பகுதியில் உள்ள 18ம் நூற்றாண்டின் சிறந்த கட்டடங்கள் என்பனவற்றை குறிப்பிட்டுச் சொல்லியுள்ள நியூயோர்க் ரைம்ஸ் அவ்வகை பெருமைகளை கொண்டிருக்கும் தமிழகத்தை , ஒருமுறையென்றாலும் கட்டாயம் பார்க்க வேண்டிய இடமென நியூயார்க் ரைம்ஸ் கூறியுள்ளது.

இந்த பட்டியலில் இந்திய நாட்டின் சார்பில் இணைக்கப்பட்ட ஒரே இடம் தமிழகம் என்பது குறிப்பிடத்தக்கது.

எழுதுவது : யோதிகுமார்